షట్చక్రాన్తర్వర్తి సూర్య భావనా
శ్లో।। ఆధారే తు చతుర్దళేరుణమయే వాసాంత వర్ణాన్వితే
తిష్ఠన్తం గణనాథ రూపిణ మహం శ్రీ భాస్కరం సర్వదా।
హంసానాం శతకఞ్చ షట్పరిమితం భక్త్యార్పయా మ్యాదరా
దజ్ఞానాంధ తమోపహం హృది భజే శ్రీ సూర్యనారాయణమ్।। 1
శ్లో।। స్వాధిష్ఠాన సరోరుహే సువిమలే సౌదామినీ సన్నిభే
షట్ సంఖ్యాక దళై ర్యుతేబరమణిం బాలాన్త వర్ణాన్వితే।
షట్ సాహస్ర మహం సమర్ప్య మనసా బ్రహ్మాత్మకం హంసమి
త్యజ్ఞానాంధ తమోపహం హృది భజే శ్రీ సూర్యనారాయణమ్।। 2
శ్లో।। శ్రీమద్రత్న మయాంబుజే దశదళోపేతే డఫాన్తాక్షరై
ర్యుక్తే శ్రీ మణిపూరకాఖ్య సదనే శ్రీ విష్ణు రూపం రవిమ్।
షట్ సాహస్ర జపం సమర్ప్య మనసా హంసాత్మకం సాదరా
దజ్ఞానాంధ తమోపహం హృది భజే శ్రీ సూర్యనారాయణమ్।। 3
శ్లో।। సౌవర్ణే సరసీరుహే కఠ యుతే ద్వే షడ్దళేనాహతే
చక్రే శ్రీమదుమేశ రూప మమలం శ్రీ భాస్కరం సర్వదా।
షట్ సాహస్ర మనుం సమర్ప్య మనసా హంసాత్మకం సాదరా
దజ్ఞానాంధ తమోపహం హృది భజే శ్రీ సూర్యనారాయణమ్।। 4
శ్లో।। శ్రీమచ్ఛారద చంద్రసన్నిభ రుచౌ శ్రీమద్విశుధ్ధాంబుజే
పత్త్రై ష్షోడశభి స్స్వరైశ్చ సహితే జీవాత్మ రూపం రవిమ్।
ధ్యాత్వాహం మనసార్పయామి పరమం హంసం చ సాహస్రకం
అజ్ఞానాంధ తమోపహం హృది భజే శ్రీ సూర్యనారాయణమ్।। 5
శ్లో।। హక్షే త్యక్షర సంయుతే మణినిభే ద్వేపత్రయుక్తే సదా
జ్ఞాచక్రాన్తరగం పరాత్పర గురో రూపం రవిం శ్రీకరమ్।
సాహస్రం తు జపాజపాత్మ విధినా భక్త్యార్పయా మ్యాదరా
దజ్ఞానాంధ తమోపహం హృది భజే శ్రీ సూర్యనారాయణమ్।। 6
శ్లో।। ఉద్య ద్దివ్య నిశాకరాచ్ఛ సదృశే సాహస్రపత్రాంబుజే
ఆది క్షాన్త సమస్త వర్ణ నిధయే సాక్షాత్పరేశాత్మకమ్।
హంసాన్ లక్ష జపాజపై రభిహితాన్ శ్రద్ధా సమర్ప్యానమూన్
అజ్ఞానాంధ తమోపహం హృది భజే శ్రీ సూర్యనారాయణమ్।। 7
శ్లో।। ఏవం చ సప్తభి శ్శ్లోకై స్స్తవనం సర్వసిద్ధిదమ్।
యః పఠేత్ భావయేన్నిత్యం సూర్యరూప స్స జాయతే।। 8
శ్లో।। మార్తాండం భాను మాదిత్యం హంసం సూర్యం దివాకరమ్।
తపనం భాస్కరం వన్దే సర్వలోకైక చక్షుషమ్।। 9
No comments:
Post a Comment